Hygyrchedd

Rheolir y wefan hon gan Wasanaeth yr Ombwdsmon Ariannol ac fe'i cynlluniwyd i fod yn gydnaws ag ystod o feddalwedd cynorthwyol, gan gynnwys darllenwyr sgrîn megis JAWS a NVDA, a meddalwedd adnabod llais. Rydym am i gynifer o bobl â phosibl allu defnyddio’r wefan hon. Er enghraifft, mae hynny'n golygu y dylech fod yn gallu:

• newid lliwiau, lefelau cyferbynnedd a ffontiau
• chwyddo hyd at 300% heb i’r testun gael ei wthio oddi ar ymyl y sgrîn
• llywio’r rhan fwyaf o’r wefan gan ddefnyddio bysellfwrdd yn unig
• llywio’r rhan fwyaf o’r wefan gan ddefnyddio meddalwedd adnabod llais
• gwrando ar y rhan fwyaf o’r wefan gan ddefnyddio darllenydd sgrîn (gan gynnwys y fersiynau diweddaraf o JAWS, NVDA a VoiceOver)

Y Comisiwn Iaith Blaen

Ein nod yw gwneud testun ein gwefan mor syml ac uniongyrchol â phosibl. Er mwyn helpu i gefnogi ein hymrwymiad i gyfathrebu clir, rydym yn aelod o'r Comisiwn Iaith Blaen.

Help i newid gosodiadau eich cyfrifiadur 

Mae llawer o bethau y gallwch eu gwneud ar eich cyfrifiadur i wneud tudalennau gwe’n fwy hygyrch. Er enghraifft, gallwch:

• chwyddo’ch sgrîn
• newid maint a lliw’r testun
• gwneud eich llygoden yn haws i’w defnyddio
• defnyddio darllenwyr sgrîn a phorwyr siarad

Gwefan arall sy'n rhoi gwybodaeth hygyrchedd dda yw AbilityNet.

Mae'r datganiad hygyrchedd hwn yn cynnwys y gwefannau a'r is-barthau canlynol:

• https://www.financial-ombudsman.org.uk
• https://sme.financial-ombudsman.org.uk
• https://cmc.financial-ombudsman.org.uk
• https://help.financial-ombudsman.org.uk/

Pa mor hygyrch yw'r wefan hon

Rydym yn gwybod nad yw pob rhan o'r wefan hon yn gwbl hygyrch:

• Setiau data hŷn wedi’u sefydlu. Ar hyn o bryd ni allwn eu gwneud yn gwbl hygyrch i ddefnyddwyr sy'n llywio trwy fysellfwrdd, ac arwyddnodi/labelu tablau a siartiau i gynorthwyo defnyddwyr technoleg gynorthwyol. 
• Nid yw rhai o'n dogfennau PDF hŷn yn gwbl hygyrch i feddalwedd darllenwyr sgrîn.

Statws cydymffurfio

Mae’r wefan hon yn cydymffurfio’n rhannol â safon AA Canllawiau Hygyrchedd Cynnwys Gwe fersiwn 2.1 oherwydd yr eithriadau a restrir isod. 

Ein cynnwys nad yw’n hygyrch

Nid yw'r cynnwys a restrir yn hygyrch am y rhesymau canlynol:

Baich anghymesur

Rydym yn defnyddio Microsoft PowerBI i gyflwyno rhai o'r setiau data hŷn ar ein gwefan. Yn benodol, ein data blynyddol a’n data amrywiaeth a chynhwysiant. Nid yw’r setiau data hŷn hyn yn gwbl hygyrch i ddefnyddwyr sy'n llywio trwy fysellfwrdd, ac ni allwn arwyddnodi tablau a siartiau i gynorthwyo defnyddwyr technoleg gynorthwyol. Fodd bynnag, mae setiau data a gyhoeddwyd yn fwy diweddar yn defnyddio offeryn gwahanol. Rydym yn y broses o newid cyflwyniad ein holl ddata, a bydd ein cyfres nesaf o setiau data blynyddol ar gael gan ddefnyddio’r offeryn delweddu data gwahanol. Rydym yn credu y byddai gwneud hyn yn gynt yn faich anghymesur o fewn ystyr y rheoliadau hygyrchedd.

Yn y cyfamser, mae ffeiliau CSV neu XLS ar gael fel dewis arall, i ganiatáu i bobl lawrlwytho ein data hanner blwyddyn mewn fformat hygyrch. Ar gyfer ein data blynyddol a data amrywiaeth, gellir sicrhau eu bod ar gael mewn fformatau arall, cysylltwch â’n tîm rhanddeiliaid a byddwn yn hapus i roi’r wybodaeth hon.

Cynnwys nad yw o fewn cwmpas y rheoliadau hygyrchedd

Nid yw’r rheoliadau hygyrchedd yn gofyn i ni drwsio PDFs neu ddogfennau eraill a gyhoeddwyd cyn 23 Medi 2018 os nad ydynt yn hanfodol ar gyfer darparu ein gwasanaethau. Bydd unrhyw PDFs neu ddogfennau Word newydd y byddwn yn eu cyhoeddi yn bodloni safonau hygyrchedd.

Adborth a gwybodaeth gyswllt

Os bydd angen gwybodaeth arnoch ynghylch y wefan hon mewn fformat gwahanol, megis recordio sain, print bras neu braille, e-bostiwch ein tîm hygyrchedd neu ffoniwch ni ar 0800 023 4567 – byddwn yn gwneud ein gorau i gwrdd â’ch anghenion.

Dweud am broblemau hygyrchedd gyda’r wefan hon

Rydym bob amser yn ceisio gwella hygyrchedd y wefan hon. Os byddwch yn dod o hyd i unrhyw broblemau na restrir ar y dudalen hon neu eich bod yn meddwl nad ydym yn bodloni gofynion y rheoliadau hygyrchedd, cysylltwch â’n tîm rhanddeiliaid.

Gwybodaeth dechnegol am hygyrchedd y wefan 

Mae Gwasanaeth yr Ombwdsmon Ariannol yn ymrwymo y bydd yn gwneud ei wefan yn hygyrch, yn unol â Rheoliadau Hygyrchedd 2018 y Cyrff Sector Cyhoeddus (Gwefannau ac Apiau ar gyfer Dyfeisiau Symudol) (Rhif 2)

Paratoi’r datganiad hygyrchedd hwn

Paratowyd y datganiad hwn ym mis Medi 2020. Fe’i hadolygwyd ddiwethaf ym mis Medi 2020.

Profwyd y wefan hon ddiwethaf ym mis Tachwedd 2019. Cynhaliwyd y prawf gan y Ganolfan Hygyrchedd Digidol. Cynhaliwyd profion defnyddioldeb ganddynt gyda thîm o ddefnyddwyr anabl, a phrofwyd ein gwefan gan ddefnyddio nifer o offer archwilio technegol. Profwyd pob agwedd o’n gwefan.

Gweithdrefn orfodi

Mae'r Comisiwn Cydraddoldeb a Hawliau Dynol (EHRC) yn gyfrifol am orfodi Rheoliadau Hygyrchedd 2018 y Cyrff Sector Cyhoeddus (Gwefannau ac Apiau Dyfeisiau Symudol) (Rhif 2) (y ‘rheoliadau hygyrchedd’.) Os na fyddwch yn hapus â’r modd y byddwn yn ymateb i’ch cwyn, gallwch gysylltu â’r Gwasanaeth Ymgynghori a Chefnogi Cydraddolddeb (EASS).

Mae ReciteMe ar gael i’w ddefnyddio ar ein gwefan. Mae’n caniatáu i chi addasu ein safle mewn modd sy’n gweithio i chi. Mae’n cynnig dewis o offer hygyrchedd megis darllenydd sgrîn, cyfieithiadau ac opsiynau arddangos.

Open Recite Me

Mae ein gwasanaeth ar gyfer pawb sydd angen ein help i ddatrys anghydfodau ariannol.

Pan fyddwch yn cysylltu â ni neu’n defnyddio ein gwasanaeth, gallwn ddarparu gwybodaeth mewn fformatau gwahanol ac addasu’r modd rydym yn cyfathrebu â chi - gan ddibynnu ar eich anghenion. Er enghraifft, gallwn ddefnyddio Braille, print bras, papur neu gefndir lliw, CDs sain a ffeiliau cyfryngau, a gallwn wneud a derbyn galwadau gan ddefnyddio Tex Relay neu ein gwasanaeth trosglwyddo Iaith Arwyddion Prydain.

Os bydd angen gwybodaeth arnoch gennym, neu gan y wefan hon, mewn fformat gwahanol, megis recordio sain, print bras neu braille, e-bostiwch ni neu ffoniwch ni ar 0800 023 4567 gyda manylion eich rhif cyfeirnod achos - byddwn yn gwneud ein gorau i gwrdd â’ch anghenion.

Gallwch ddysgu mwy am sut y gallwn addasu ein gwasanaeth i gwrdd â’ch anghenion yn y wybodaeth isod.