Cwynion y gallwn helpu yn eu cylch

Os bydd cwyn gennych am yswiriant gwarchod taliadau (PPI), gallwn helpu. Mae’r Awdurdod Ymddygiad Ariannol wedi gosod dyddiad cau o 29 Awst 2019 ar gyfer pob cwyn PPI – felly cysylltwch â ni cyn gynted â phosbl i leisio eich cwyn.

Gallwn helpu ag amrywiaeth o gwynion am wasanaethau bancio a thaliadau, gan gynnwys cyfrifon cyfredol, cyfrifon cynilo, debydau uniongyrchol, awdurdodau taliadau parhaus, trafodion yr anghytunir amdanynt, a thwyll a sgamiau.

Gall problemau sy’n ymwneud ag yswiriant fod yn gymhleth a thechnegol. Byddwn yn edrych yn ofalus ar y manylion, yn pwyso a mesur y ffeithiau ac yn helpu i ddatrys eich cwyn yn deg. Rydym yn edrych ar amrywiaeth eang o fathau o yswiriant, gan gynnwys yswiriant car, cartref, teithio ac anifeiliaid anwes.

Gall problemau gyda benthyciadau a chredyd achosi llawer o ofid. Gallwn edrych ar gwynion sy’n ymwneud â gwahanol fathau o fenthyciadau a chredyd, gan gynnwys benthyciadau diwrnod cyflog, cardiau siopau a nwyddau a gwasanaethau a brynwyd gan ddefnyddio credyd.

Rydym yn gweld amrywiaeth eang o gwynion ynghylch morgeisi, o broblemau gyda cheisiadau i anghydfodau am gostau ad-dalu cynnar. Yn ogystal âmorgeisi preswyl, gallwn helpu â chwynion am forgeisi dibreswyl.

Gallwn ddatrys cwynion am amrywiaeth o fuddsoddiadau o fondiau a deilliannau i PEPs a gwaddolion. Byddwn yn edrych yn deg ac yn ddiduedd yngylch sut y gwerthwyd y buddsoddiad i chi, a sut y cafodd ei drafod.

Mae cwynion rydym yn eu gweld ynghylch pensiynau a blwydd-daliadau’n cynnwys problemau gydag addasrwydd cyngor ac oedi. Byddwn yn ymchwilio i gwynion, gan gynnwys materion y gweithle a phensiynau personol – ond mewn rhai achosion, byddwn yn eich cyfeirio at yr Ombwdsmon Pensiynau.

Gallwn hefyd edrych ar gwynion ynghylch pethau eraill amrywiol sydd wedi cael effaith ariannol negyddol ar gwsmeriaid. Mae enghreifftiau’n cynnwys problemau gydag atwrneiaeth a materion TG gyda’ch banc sy’n effeithio mynediad at eich arian.